Info Loron foun 111007
Jay Chou hahu Promosaun Album foun

"Jay Chou Wanted", Se ita boot sira hate hakerek balun hanesan nee, keta hakfodak uluk, la signifika katak kantador konyesidu husi Taiwan Jay Chou, oras nee sai buron, nee titulu promosaun deit ba ninia album foun. Estrela foin sae ho talento nee oras nee prepara lansa album ba dala sia JAY CHOU ON THE RUN.
Lolos album nee sei rilis globalmente iha loron 2 Novembro fulan oin, no ida nee nudar album dahuluk Chou nebe rilis liu husi ninia kompania gravasaun rasik. Album nee rasik halo ona ninia promosaun iha Sexta feira aban.
Konsepto husi album nee nudar reflesaun moris riil Jay. Jay okupadu ho ninia kareira, semo ba mundo tomak hodi halo promosaun filme, programa musica, konsertu no halo preparasaun ba tur mundial ninian.
Single dahuluk husi album nee mak The Cowboy is Busy, Produsaun husi Jay rasik no komposer konyesidu Huang Junlang. Difrente ho cowboy nebe toka iha filme layar perak, iha ninia video nee Jay sai nudar cowboy bonito nebe lori justica iha Amerika iha tinan 1960 liu ba.

Bono Nega atu halo gravasaun hamutuk ho Spice Girls

Bono rekuja novidade nebe hateten katak nia sei halo kolaborasaun hamutuk ho Spice Girls iha sira nia labum foun.
Kantora hit WANNABE tuir plano atu lansa album greatest nee molok Natal tinan nee no iha informasaun balun katak pentolan grup U2 nee sei involve halo album gravasaun refere.
Maibe manager U2, Paul McGuinness, nega especulasaun nee maske sira pavoritu ba Spice Girls la signifika katak Bono sei involve hamutuk iha album foun nee.
Embora, produser gravasaun konyesidu Inglatera nian Mark Ronson, konfesa nia parte hakarak tebes atu kolabora ho gurpo vokal ho nia membros nain lima nee.


Album ba dala hitu Radiohead rilis iha Internet

Album ba dala hitu Radiohead, In Rainbows, rilis tiha ona ho ninia konteudo musica sanulu. Nee nudar album primeiru ho label gravasaun, preparadu atu download iha internet hahu ohin.
Fans sira nebe hameno ona album nee simu tiha ona karta elektronika molok tuku walu dader inklui kode aktivasi ba download. Gitaris band Radiohead, Jonny Greenwood, anuncio tiha ona katak gravasaun nee remata iha website grupo nee iha semana kotuk.
Radiohead la husu folin ba download refere no fo liberdade ba ninia fans atu deside rasik kustu hira mak sira atu selu ba labum foun nee.
Observador industria musika avalia katak asuntu nee hanesan parte ida husi marketing nebe kapas no inovativo ba rilis album ida.

Vanessa Williams sei lansa Album inicio 2008

Hafoin parado tiha tinan hirak nia laran husi kareira musika, no konsentra liu ba palco filme, estrela serial hits Estadus Unidus Amerika , Ugly Betty Vanessa Williams sei fila hikas atu kanta. Estrela bonita nee iha plano rilis ninia album ba dala sia nian iha inicio 2008. Williams rilis ninia lbum primeiru iha tinan 1988 no konsege fan tokon 6 ninia gravasaun nee iha mundo tomak. Maske oras nee okupadu ho serial hits nebe nia rasik sai hanesan autor, nia konfessa seidauk rende iha musika no oras nee halo ona assina kontratu gravasaun ho Concord Records tinan nee.