D. Norberto sei simu posse ba diocese Maliana iha Loron 25 Abril 2010.

Diocese foun Maliana fahe ba Distrito tolu hanesan :
1. Distrito Bobonaro/Maliana ho sub distrito Atabae, Balibo,Bobonaro,Cailaco no sub distrito Lolotoe
2. Distritu Covalima/Suai ho sub ditritu Suai,Tilomar,Fohorem,Fatumean,Fatululik no Sub distritu Zumalai
3. Distritu Liquisa ho sub distritu Liquisa, Bazartete no sub distritu Maubara.

iha nivel religioso fahe ba Parokia hanesan Paroquia Maliana, Bobonaro,Balibo,Atabae, Suai,Fohorem,Tilomar-Salele,Lolotoe,Zumalai no Paroquia Liquisa.

religioso nebe hakanar an iha Diocese foun nee hamutuk Padre nain hitu (7) husi Congregasaun secular, Padres 25 husi congregasaun Claretianos, Congregasaun Verbitas (SDV) no husi Congregasaun Carmelitas, no hetan mos tulun husi Irmauns, irmans religiosas no katekistas hamutuk ema nain sanulu resin.

Diocese Maliana iha ninia area ho luan 3.465 km Quadrado, ho total populasaun hamutuk 210.000 habitantes Mayoria Catolica.

Igreja actual Maliana hari husi Reverendu no Saudoso Padre santana pereira iha tinan 1972-1973. Igreja nee mak sei sai Catedral Foun nebe ninia padrueira maka "Sagrado Corasaun de Jesus ".

Diocese foun nee sei ajuda Povu timorense iha desemvolvimento humano,Cultura, sosial no Espiritual liu-liu sarani sira iha ditrito tolu nia laran nebe Diocese foun Maliana hamahan.

Tuir mai Biografia Bispo foun ba Diocese foun Maliana. Bispo foun Diocese Maliana nia naran Pe.Norberto do Amaral, moris iha Ainaro 17 Febreiro 1956. Oan husi Aman Teofilo de Araujo (Matebian) no Martinha de Lima Amaral (Matebian).

Amo Norberto hahu nia estudu iha Pre-Primaria iha Missaun Ainaro iha tinan 1965-1970. remata escola pre-primaria Norberto continua nia estudu iha Pre-Seminario de sao fransisco Xavier,Dare iha tinan 1970-1972. iha tinan 1972-1975 continua estudo iha Seminario Menor de Nossa Senhora de Fatima,Dare hafoin nee para tiha nia estudo iha 1975-1978 tamba funu tama. depois-de funu remata Amo Norberto continua hikas ninia estudo iha seminario Manor de Nossa Senhora de fatima, Lahane-Dili. remata husi seminario Menor Norberto continua nia ano Espiritualidade iha seminaro Ritapiret,Flores-Indonesia iha tinan 1980-1981. remata ano espiritualidade amo Norberto continua estudo Filosofia no teologia iha Seminario Maior Ritapiret, Flores-Indonesia hafoin nee nia mai halao estagio pastoral iha Paroquia Manatuto no Ossu iha tinan 1985-1986. remata Estagio Norberto fila hikas ba Seminario Maior Ritapiret,Flores hodi continua nia estodo Teologia iha tinan 1986-1987 to'o simu ordenasaun Diacono iha seminario Ritapiret iha loron 03 Novembro 1987 husi Mgr. Gregorius Monteiro.

Diacono Norberto hetan ordenasaun Nailulik nian iha Paroquia Ainaro husi D.Carlos F.X Belo,SDB iha loron 18 Setembro 1988.

Pe. Norberto do Amaral molok Amo Papa Bento XVI hili sai Bispo halao mos knar nudar Nailulik nian hanesan Vigario Paroquial Maubisse husi 1988-1989, Paroco ba Paroquia Maubisse 1989-2000, husi tinan 2000-2004 sai nudar Reitor Seminario Nossa Senhora de fatima Balide-Dili. iha tinan 2004 Pe. Norberto ba halao estudo iha Roma iha area Teologia Dogmatica no remata iha 2007. fila husi Roma Amo Norberto sai nudar professor iha Seminario Maior sao Pedro e Sao Paulo Fatumeta Dili to'o 2010 nee. Alemde hanorin iha Seminario Maior fatumeta, Amo Norberto mos sai nudar Chanceler da Diosece de Dili nunee mos nudar Director ba Revista SEARA husi 2008-2010.

iha loron 30 Janiro 2010 Sua Santidade Bento XVI nomeia Reverendo Pe. Norberto do Amaral nudar Bispo ba Diocese foun Maliana.

Parabens....