Presidente RDTL Dr. Jose Ramos Horta to'o iha Aeroporto Comoro Dili Foto : Toby Ribeiro

Populasaun rihun ba rihun iha kapital Dili Quinta feira ne'e ho laran haksolok simu presidente Republika Dr. Jose Ramos Horta nebe durante fulan rua resin obrigatorio husik nia kargo hodi ba halao tratamento saude iha Hospital Royal darwin, Australia tamba sofre kanek husi tiru nebe grupo armadus balun halo ba nia an iha ninia residensia Metiaut Dili 11 Febreiro 2008. ohin loron 17 Abril 2008 Presidente Jose Ramos Horta reasumi hikas ninia kargo nudar Chefe Estado husi Presidente interino Fernando "Lasama" de Araujo. Populasaun Timor Leste ho haksolok simu Presidente da Republica, Guverno TL fo Toleransia ba ninia fungsionari publico hodi asiste mos konvoio Presidente nian husi Aeroporto Comoro ba Palasio Parlamento nasional to'o ba ninia residensia iha Metiaut Dili. Escola sira iha kapital Dili mos ba asiste directa presidente nebe mai hikas TL. Iha Residensia Presidente nian , presidente simu ho ceremonia cultural nebe halao husi familia Presidente nian no taka ba publico.