Luta Hamutuk – Fundu Mina lakon Ttm 200807
Febu/

Fundu Petroliferu hamutuk Millhao 5,8 resin mak lakon durante investimentu iha tinan ida nia laran iha merkado indeks bonds iha estadus Unidos Amerika.

Diretur Luta Hamutuk Thomas Freitas informa liafuan hirak ne'e durante konferencia imprensa iha Cede Luta hamutuk Farol Dili segunda feira ne'e.

Thomas Freitas esplika katak durante periodu tinan ida hahu husi setembru 2005 to’o Junho 2006 investimentu husi fundu Petroliferu hetan ona osan funan makas hamutuk milhaun 13,149 resin maske nunee Timor Leste mos lakon tamba osan ne’e utilize ba jogu iha bursa saham.

Tuir Thomas Freitas katak jogu ne’e legalmente tuir duni Lei Petroliferu maibe prosentu osan nebe mak uja iha jogu ne’e presija minimize nune’e wainhira lakon iha bursa saham mos ho numeru nebe ki’ik tamba osan nebe lakon iha Bursa saham ne’e signifikado tebes ba desemvolvementu Timor Leste.

Organizasaun Luta Hamtuk exige mos Advisor Investment Board – AIB nebe toma responsavel ba investimentu ne’e atu esplika razaun tamba saida mak investimentu ne’e lakon hela deit durante ne’e. Thomas Freitas reforsa katak Parlamentu Nasional foun tengki manteim Lei Fundo petroliferu no Formula estimative rendementu sustentavel tamba formula ne’e diak tebes atu garante fundu petroliferu ba oin.